ചരിത്രം

പഴയൊരു 'കോലെഴുത്തിൽ' നിന്നും ലഭിച്ചിരിക്കുന്ന സൂചന, തിരുവർകാട്ടുകാവിലെ ഭദ്രകാളി പ്രതിഷ്‌ഠ നടന്നത് എ.ഡി. 344-ൽ ആണെന്നാണ് . അന്നത്തെ കോലത്തിരി ഒരു കേരളവർമ്മയാണെന്നും സൂചനയുണ്ട് . ഈ എ.ഡി. 344 -ന് വളരെ ചരിത്രപ്രാധാന്യമുണ്ട്.

ഐതീഹ്യം

കോലത്തുനാട് ശതസോമൻ എന്ന രാജാവ് ഭരിക്കുന്ന കാലം. അദ്ദേഹത്തിന്റെ ഭരണം കുറെ ചെന്നപ്പോൾ രാജ്യത്ത് അതിവൃഷ്ടി, അനാവൃഷ്‌ടി, അപമൃത്യു വ്യാധികൾ മുതലായവകൊണ്ട് ജനങ്ങൾ വലയാൻ തുടങ്ങി. പല സൽകർമങ്ങൾ ചെയ്തിട്ടും ഒരു ഫലവും കാണായ്കയാൽ, ധർമിഷ്‌ഠനയാ ശതസോമൻ വിശദമാഗ്നനായി, ഇനി എന്തുവേണ്ടു എന്ന ചിന്തയിലാണ്ടുപോയി.